သေမင်းတမန်စာအုပ်(ဇာတ်သိမ်း)
**********
ဇာတ်သိမ်း
ကိုကိုတို့ အိမ်နှင့် ညီရဲတို့အိမ်က ရက်ကွက် တစ်ခုသာ ခြားသဖြင့် မိနစ်အနည်းငယ် အတွင်းမှာပင် ရောက်ရှိသွားသည် ။
အိမ်ထဲတွင် မီးရောင်ကို လှမ်းမြင်ရသော်လည်း ခြံတံခါးမှာ.သော့ခတ်ထားလေပြီ ။
အော်ခေါ်လျှင်လည်း မရနိုင်သည်မို့ ခြံတံခါးကို ကျော်တက်ကာ ခြံထဲသို့ ခုန်ဆင်းလိုက်သည် ။
ထို့နောက် အိမ်ကြီးဆီသို့ အပြေးလာခဲ့သည် ။
" ညီရဲ .. ညီရဲ .. "
" ဘုန်း .. ဘုန်း .. ဘုန်း .. "
" ညီရဲ ... "
" ဦးလေးငယ် .. အန်တီမြင့် .. "
အတန်ကြာသည်အထိ တံခါးကို လက်ဖြင့် ပုတ်လိုက် ၊ အသံကျယ်ကျယ်ဖြင့် အော်ခေါ်လိုက် လုပ်ရာ အထဲမှ တစ်စုံတစ်ယောက်က တံခါးလာဖွင့်ပေးသည် ။
" ဟင် .. ဦးလေးငယ် "
" ကိုကိုပါလား .. အချိန်မတော် ဘာဖြစ်တာလဲ "
" ဦးလေးငယ် .. ညီရဲရော "
" သား အိပ်နေရောပေါ့ .. ဘာလို့လဲ "
ထိုစဉ် အန်တီမြင့်ပါ သူတို့အနားသို့ ရောက်လာသည် ။
" ညီရဲ .. ညီရဲ အခုလေးတင် ကျွန်တော့်ကို ဖုန်းဆက်လို့ .. သူ .. သူ တစ်ခုခုများ ဖြစ်နေမလားလို့ "
" ဟင် ... "
ကိုကို၏ သရုပ်ပျက်နေမှုကြောင့် ညီရဲ၏ မိဘများပါ စိုးရိမ်သွားကြသည် ။
" ညီရဲအခန်းကို သွားကြည့်ကြရင် မကောင်းဘူးလား "
ထို့နောက် ညီရဲ၏ အခန်းသို့ တက်လာကြသည် ။
" ဒေါက် .. ဒေါက် .. ဒေါက် .. "
" သားရေ .. သား .. တံခါးဖွင့်ပါဦး "
" ညီရဲ .. ညီရဲ "
အထဲမှ တုံ့ပြန်သံ မကြားရသဖြင့် အားလုံး ညီရဲအတွက် စိတ်ပူသွားကြသည် ။
" ကိုငယ် .. တံခါးကို ဖွင့်ပါတော့် "
ဦးလေးငယ် လည်း အသင့်ပါလာသော သော့ဖြင့် တံခါးကို ဖွင့်လိုက်သည် ။
" ဟာ .. "
" အမလေး .. သား .. သား ... "
အန်တီမြင့်မှာ သားအဖြစ်ကိုကြည့်ကာ သတိမေ့သွားသဖြင့် ဦးလေးငယ်မှာ အလိုက်သင့်ထိန်းကာ ဧည့်ခန်းထဲသို့ ပွေ့သွားသည် ။
ကိုကိုသည် ညီရဲ၏ အဖြစ်ကိုကြည့်ကာ အသက်ပင် ရှူမိရဲ့လား မသိတော့ ။
ညီရဲအခန်းထဲရှိ မှန်တင်ခုံပေါ်ရှိ မှန်သည် အစိတ်စိတ်အမွှာမွှာ ကွဲကြေနေပြီး ကြီးမားသော မှန်ကွဲစကြီး တစ်ခုသည် ညီရဲ၏ လည်ပင်းကို တုတ်ချင်းပေါက်နေသည် ။
သွေးများမှာလည်း မြင်မကောင်းအောင် အိုင်ထွန်းနေပြီး ညီရဲ၏ မျက်နှာမှာ တစ်စုံတစ်ခုကို ကြောက်လန့်ဟန်ကြောင့် မျက်လုံးများမှာ ပြူးထွက်နေသည် ။
ညီရဲ၏ အဖြစ်ကိုကြည့်ကာ မျက်ရည်ပင် ကျမိသည်။
ထိုစဉ် တစ်စုံတစ်ခုကို အမှတ်ရလိုက်သည် ။
ကိုကိုသည် အလျင်အမြန်ပင် ညီရဲနှင့် အနီးတစ်ဝိုက်တွင် မှတ်စုစာအုပ်လေးကို ရှာကြည့်လိုက်သည် ။
မတွေ့  ။
မကြာမီ ဦးလေးငယ်၏ အကြောင်းကြားမှုကြောင့် ရဲများရောက်လာကာ အခင်းဖြစ်ရာနေရာကို စစ်ဆေးခြင်း ၊ ဓာတ်ပုံရိုက်ခြင်းများ ပြုလုပ်သည် ။
ကိုကို့ကိုပင် ခေါ်ယူစစ်ဆေးသဖြင့် အကျိုးသင့် အကြောင်းသင့် ပြောခဲ့ရသေးသည် ။
ယခုဆိုလျှင် သူငယ်ချင်း သုံးယောက်ရှိသည့်အနက် နှစ်ယောက်မှာ.ရက်လည်သာ ခြား၍ သေဆုံးသွားခဲ့ပြီ ။
ကိုကို တစ်ယောက်သာ ကျန်တော့သည် ။
ငဇော်နှင့် ညီရဲတို့၏ ထူးဆန်းစွာ သေဆုံးမှုကို လူများကပင် စိတ်ဝင်တစား ရှိလာကြသည် ။
ကိုကိုနှင့် တွေ့တိုင်း မေးကြသည်မို့ ကိုကိုတစ်ယောက် အပြင်သို့ပင် မထွက်ရဲအောင် ဖြစ်နေသည် ။
ညီရဲ၏ ရက်လည်ကိစ္စကိုပင် စိတ်လိုလက်ရ မကူညီနိုင်ပေ ။
ကိုကို၏ မိဘများကလည်း ငဇော်နှင့် ညီရဲတို့ ရှေ့ဆင့်နောက်ဆင့် ဆိုသလို သေဆုံးသွားသည့်အတွက် ကိုကို့အတွက် စိုးရိမ်ကာ မျက်ခြေမပျက်အနီးကပ် စောင့်ကြည့်နေကြရသည် ။
သို့ဖြင့် ညီရဲ၏ ရက်လည်ဆွမ်းသွပ် ပြီးဆုံးသွားလေပြီ ။
~~~~~~~~~~~
ရက်လည်ပြီးသည့်ည ။
ညဦးပိုင်း၌ ကိုကိုတစ်ယောက် မိဘနှစ်ပါးနှင့်အတူ ဧည့်ခန်းတွင် တီဗီ ထိုင်ကြည့်နေသည် ။
ည ဆယ်နာရီခန့်တွင် မိဘများ အိပ်ကြတော့မည်မို့ ကိုကို အပေါ်ထပ်ရှိ သူ၏ အခန်းသို့ တက်လာခဲ့သည် ။
စိတ်လှုပ်ရှားမှုများကြောင့် မအိပ်ချင်သေးပေ ။
ထို့ကြောင့် အခန်းထဲဝင် ၊ တံခါးပိတ်ပြီး ဟာသကား ကြည့်နေလိုက်သည် ။
ဇာတ်ကားထဲတွင် ရယ်စရာများ လာနေသော်လည်း ကိုကိုမှာ မရယ်နိုင်ပေ ။
တီဗီကိုလည်း မကြည့်နိုင် ။
အတွေးများဖြင့်သာ ချာချာလည်နေသည် ။
ငဇော် ၊ ညီရဲနှင့် စာအုပ် ။
ထိုစာအုပ် ငဇော့်ထံသို့ ရောက်လာပြီး ငဇော် အသေဆိုးဖြင့် သေခဲ့သည် ။
တစ်ဖန် ထိုစာအုပ်သည် ညီရဲထံသို့ ရောက်လာပြန်ပြီး ညီရဲ အသေဆိုးဖြင့် သေရပြန်သည် ။
ကိုကို၏ အချစ်ဆုံး သူငယ်ချင်းများ ။
ခုဆိုလျှင် ကိုကိုတစ်ယောက်သာ ကျန်တော့သည် ။
ထိုစာအုပ်သည် ကိုကို့ထံသို့ ရောက်မလာဘူးဟု မပြောနိုင် ။
အဘယ့်ကြောင့်ဆိုသော် အိမ်မည်းကြီးထဲသို့ စပ်စပ်စုစုသွားသူများထဲတွင် ကိုကိုလည်း အပါအဝင် မဟုတ်ပါလား ။
ငဇော်နှင့် ညီရဲတို့ သေဆုံးမှုသည် မှတ်စုစာအုပ်လေးနှင့် ပတ်သတ်နေသည် ။
မှတ်စုစာအုပ်လေးသည် သူတို့ ရောက်ခဲ့သော အိမ်မည်းကြီးနှင့် ပတ်သတ်နေသည် ။
အိမ်မည်းကြီး၌ ပရလောကသားများ ရှိနေသည် ။
ဤသို့ဆိုလျှင် ငဇော်နှင့် ညီရဲတို့ သေဆုံးမှုသည် ပရလောကသားများနှင့် ပတ်သတ်ကောင်း ပတ်သတ်နေနိုင်သည် ။
ကိုကိုသည် တွေးလေ နက်နဲလေ ၊ နက်နဲလေ စိတ်လှုပ်ရှားကာ ကြောက်ရွံ့လာလေ ဖြစ်နေတော့သည် ။
မျက်လုံးများ ကျိန်းစပ် လာပြီမို့ နာရီကိုကြည့်လိုက်တော့ ဆယ့်တစ်ခွဲသွားပြီ ။
ထို့ကြောင့် တီဗီကို ပိတ်ကာ အောက်ထပ်ဆင်းပြီး အပေါ့အပါးသွားသည် ။
မိဘများ အိပ်နေကြပြီ မဟုတ်လား ။
ရေခဲသေတ္တာထဲမှ ရေတစ်ဗူးယူကာ အပေါ်ထပ်သို့ ပြန်တက်လာခဲ့သည် ။
အခန်းတံခါးကို လော့ချလိုက်ပြီး ပြန်အလှည့်
" ဟင် .. "
" ဒုန်း .. "
ကုတင်ပေါ်တွင် တွေ့လိုက်ရသော စာအုပ်ကြောင့် လက်ထဲမှ ရေဗူးပင် လွတ်ကျသွားသည် ။
စာအုပ် ။
မှတ်စုစာအုပ် ။
သားရေဖုံးအနက်နှင့် မှတ်စုစာအုပ်လေး ။
ငဇော်နှင့် ညီရဲတို့ကို သေမင်းနိုင်ငံသို့ ပို့လိုက်သည့် သေမင်းတမန်စာအုပ်လေး ။
ကိုကို ဘာမှ စဉ်းစားမနေဘဲ စာအုပ်လေးကို ကောက်ကာ ပြတင်းပေါက်ဖွင့်၍ အောက်သို့ ပစ်ချလိုက်သည် ။
ထိုသို့ ပြုလုပ်လိုက်ပြီးမှ စိတ်အနည်းငယ် သက်သာသွားကာ ရေအဝသောက်ပြီး အိပ်ရာပေါ် လှဲလိုက်သည် ။
" ဟင် .. "
တစ်စုံတစ်ခု အောက်မှာ ခံနေသဖြင့် ချက်ချင်းထကာ ကြည့်လိုက်သည် ။
" ဟာ .. ဒီ .. ဒီစာအုပ် .. ငါ လွှင့်ပစ်တာ ဘယ်လိုလုပ်ပြီး ပြန်ရောက်လာတာလဲ "
" မဖြစ်ဘူး .. မီးရှို့ပစ်ရမယ် "
စာအုပ်ကို ယူပြီး အခန်းထဲက ထွက်မည်ပြုရာ အခန်းတံခါးမှာ ဖွင့်မရတော့ပေ ။
" ဟင် .. ဘာလဲဟ."
ကိုကို တုန်လှုပ်လာပြီ ။
ထို့ကြောင့် အခန်းထဲတွင် မီးခြစ်လိုက်ရှာရာ အံဆွဲထဲ၌ တွေ့သဖြင့် မီးရှို့မည်ပြုလိုက်စဉ် အတွေးတစ်ခု ဝင်လာသည် ။
" ငဇော်မသေခင် ညီရဲကို ပြောသွားတာ ဒီစာအုပ်ထဲမှာ စာတွေရေးထားတယ်တဲ့ .. နောက်ပြီး ညီရဲ မသေဆုံးခင်ညကလည်း ဒီစာအုပ်ထဲမှာ စာတွေရှိတယ်တဲ့ .. ညီရဲက ဒီစာအုပ်ကို ဖတ်ပြီး ကြောက်နေတာထင်တယ် .. ဒီစာအုပ်ထဲမှာ ဘာတွေ ရေးထားလို့လဲ "
စူးစမ်းလိုစိတ်က တားမရ ဆီးမနိုင် ဖြစ်လာသည် ။
" ဖတ်ပြီးမှ မီးရှို့ရင်လည်း ရတာပဲ "
ဖတ်ရမှာလည်း စိတ်လှုပ်ရှားနေသည် ။ စိတ်လှုပ်ရှားနေသည့်ကြားမှလည်း ဖတ်ချင်နေမိသည် ။
ထို့ကြောင့် ဖြစ်ချင်ရာ.ဖြစ်ဟု သဘောထားကာ စာအုပ်လေးကို ဖတ်မည်ဟု ဆုံးဖြတ်လိုက်ကာ ကုတင်ပေါ် ထိုင်လိုက်သည် ။
ထို့နောက် တုန်ယင်နေသော လက်အစုံဖြင့် စာအုပ်အဖုံးလေးကို လှန်လိုက်သည် ။
`မင်းတို့က ပရလောကသားတွေကို
စော်ကားတယ် ´
ပထမ စာမျက်နှာတွင် တွေ့လိုက်ရသော စာကြောင်းလေးကြောင့် ကိုကို၏ ကိုယ်လေး ဆတ်ခနဲ့ ဖြစ်သွားသည် ။
ဒါ ဘာကို ရည်ညွှန်းထားတာလဲ ။
သူတို့ အိမ်မည်းကြီးသို့ ရောက်စဉ်က ပရလောက သားတွေကို မယုံကြည်သဖြင့် နောက်ပြောင် သရော်ခဲ့ခြင်းကို ဆိုလိုတာလားဟု ကိုကို တွေးမိလိုက်သည် ။
ထို့နောက် နောက်တစ်ရွက်ကို လှန်လိုက်သည် ။
`ပရလောကသားတွေက မင်းတို့ကို
ဘာမှ မလုပ်နိုင်ဘူးတဲ့လား ´
ထို့နောက် ဆက်လှန်လိုက်သည် ။
`ငါ့ပိုင်နက်က လွတ်သွားလို့ မင်းတို့ကို
ငါက မသတ်နိုင်ဘူး ထင်နေတာလား´
`ပရလောကသားတွေကို မကြောက်ဘူး
မဟုတ်လား ´
`ပရလောကသားတွေကို
မြင်ချင်တယ် မဟုတ်လား ´
တစ်ရွက်လျှင် တစ်ကြောင်းရေးထားသည်မို့ ဆက်လှန်လိုက် ၊ ဖတ်လိုက်လုပ်နေရင်း ကိုကို သိသိသာသာ ကြောက်ရွံ့တုန်လှုပ်လာသည် ။
ဇောချွေးများပြန်လာကာ စာရွက်များကို ဆက်လှန်နေမိသည် ။
`ငါလာခဲ့မယ် ´
`ငါလာခဲ့မယ် ´
နောက်ပိုင်းက စာရွက်များတွင် `ငါလာခဲ့မယ် ´ဟူသော စာကြောင်းကိုသာ ရေးထားသည် ။
စာရွက်များကို ဆက်တိုက်လှန်ရာ `ငါလာခဲ့မယ်´ ဟူသော.စာကြောင်းကိုသာ.တွေ့ရသဖြင့် ကိုကို၏ နားထဲတွင် ထိုစာကြောင်းသည် တစ်စုံတစ်ယောက်က အနားနား ကပ်ပြောနေသကဲ့သို့ ပဲ့တင်ထပ်ကာ နေသည် ။
နှလုံးခုန်သံတွေမြန်ကာ စိတ်တွေ ထိန်းချုပ်၍ မရနိုင်အောင် တုန်လှုပ်လာသည် ။
စာအုပ်ကို အဝေးသို့ လွှင့်ပစ်လိုက်ရင်း ကုတင်ပေါ်မှ ဆင်းကာ အပေါက်သို့ ပြေးသွားပြီး တံခါးကို ဖွင့်သည် ။
ဖွင့်၍ မရ ။
အခန်းထဲတွင် ဟိုသည်လျှောက်ရင်း.သွေးပျက်လာသည် ။
ရုတ်တရက် ဖုန်းကို သတိရပြီး စိတ်ထဲရှိရာ ဂဏန်းများကို နှိပ်လိုက်သည် ။
တိုက်တိုက်ဆိုင်ဆိုင်ပင် ဖုန်းဝင်သွားကာ လူတစ်ယောက်၏ အသံကို ကြားလိုက်ရသည် ။
" ဟလို .. "
" ဟလို .. မှတ်စုစာအုပ် .. အနက်ရောင် မှတ်စုစာအုပ် .. "
" ဟမ် ... ဘာတွေ ပြောနေတာလဲ "
" အဲ့ဒါ .. သေမင်းတမန်စာအုပ်ပဲ .. ငါသေပြီး ရက်လည်တဲ့ညကျရင် မင်းဆီကို သေမင်းတမန်စာအုပ် ရောက်လာလိမ့်မယ် .. ရောက်လာလိမ့်မယ် .. "
" ဘာ .. "
" ဒေါက် .. ဒေါက် .. ဒေါက် ... "
တစ်ဖက်မှ ဒေါသသံနှင့်အတူ တံခါးခေါက်သံ ကြားလိုက်သဖြင့် ကိုကို့လက်ထဲမှ ဖုန်းပင် လွတ်ကျသွားသည် ။
" ဘယ်သူလဲ .. ဘယ်သူလဲ .. "
" မလာနဲ့ .. ငါ့ဆီကို မလာနဲ့ .. "
ကိုကိုသည် နားနှစ်ဖက်ကို လက်ဝါးဖြင့်အုပ်ကာ အခန်းထောင့်တွင် ကပ်နေလိုက်သည် ။
သူ၏ စိတ်များ ထိန်းချုပ်နိုင်စွမ်း မရှိတော့အောင် ထိတ်လန့်ကြောက်ရွံ့နေပြီ ။
' ငါလာခဲ့မယ်´ ဟူသော အသံကို နားထဲတွင် အလိုလို ကြားနေရသည် ။
မကြာမီ အခန်းတံခါးကို ဖောက်ထွင်း၍ အရိပ်မည်းကြီးတစ်ခု အခန်းထဲသို့ ဝင်လာသည် ။
" ဘယ်သူလဲ .. မလာနဲ့ .. သွား .. "
ထိုအရိပ်မည်းကြီးသည် ကိုကို့ထံသို့ တရွေ့ရွေ့ တိုးကပ်လာပြီးနောက် ကိုကို၏ ခန္ဓာကိုယ်ထဲသို့ ဝင်သွားသည် ။
ကိုကို ဘာမှ မသိတော့ ။
ကိုကို ပြန်သတိရလိုက်စဉ် သူ၏ လည်ပင်းတွင် မခံမရပ်နိုင်အောင် တင်းကျပ်နေပြီး အသက်ရှူ၍ မရတော့ ။
ခြေအစုံကလည်း ကြမ်းပြင်နှင့် လွတ်ကာ လေထဲတွင် တွဲလောင်းကြီးဖြစ်နေသည် ။
လည်ပင်းမှ တင်းကျပ်မှုကြောင့် အစွမ်းကုန် ရုန်းကန်ရင်း လည်ပင်းကို လက်ဖြင့် ကိုင်လိုက်ရာ ကြိုးကွင်းက တင်းကျပ်စွာ အသားထဲ နစ်ဝင်နေလေပြီ ။
ကိုကို နောက်ဆုံးသိလိုက်ရသည်က သူ့ကို ပြုံး၍ စိုက်ကြည့်နေသော လူကြီးတစ်ယောက် ... ။ ။
#စာဖတ်သူတို့
ကိုကိုဖုန်းဆက်လိုက်တဲ့သူဟာ စာဖတ်သူတို့ထဲက
တစ်ယောက်ယောက် ဖြစ်ချင်ဖြစ်နေမှာနော် ...
အနက်ရောင် သားရေဖုံးနဲ့ မှတ်စုစာအုပ်လေးကို
များ အမှတ်တမဲ့ တွေ့ရှိခဲ့ပါက ...
#သေမင်းတမန်စာအုပ် ဖြစ်နေဦးမယ်နော် ...
#ပြီးပါပြီ#
########
